• Русский
  • Татарча

Анонслар һәм яңалыклар

Педагогның заманча эш алымнары буенча “Цифра: педагогка салынган инвестицияләр” 3 нче Бөтенроссия онлайн-конференциясе

27 март, 2019 - 15:43

Сезне 2019 елның 28 мартында узачак, педагогның заманча эш алымнары буенча “Цифра: педагогка салынган инвестицияләр” 3 нче Бөтенроссия онлайн-конференциясендә катнашырга чакырабыз. Турыдан-туры трансляция кысаларында лекцияләр һәм мастер-класслар белән белем бирү оешмалары укытучылары, галимнәр, җитәкчеләр һәм укыту технологияләре өлкәсе экспертлары чыгыш ясаячак.

Республика педагогика хезмәткәрләрен “Гомуми белем бирү ФДББСын гамәлгә ашыру шартларында санлы мәктәп тьюторының һөнәри компетентлылыгы” проблемасы буенча белемнәрен күтәрү программасы нигезендә укыту

27 март, 2019 - 12:03

2019 елның 11 мартында Татарстан Республикасы Мәгарифне үстерү институтында республика педагогика хезмәткәрләрен “Гомуми белем бирү ФДББСын гамәлгә ашыру шартларында санлы мәктәп тьюторының һөнәри компетентлылыгы” проблемасы буенча белемнәрен күтәрү программасы нигезендә укыту башланды.

“Заманча дәрес” методик эшкәртмәләр конкурсына нәтиҗәләр ясалды

25 март, 2019 - 14:38

Барлык катнашучыларны да тәбрик итәбез!

Республика буенча“Заманча дәрес” методик эшкәртмәләр Республика конкурсына нәтиҗәләр ясалды (ТР Мәгарифне үстерү институтының 2019 елның 21 гыйнварындагы 11 нче санлы боерыгы). Конкурс җиңүчеләренең исемлеге белән ТР Мәгарифне үстерү институтының 2019 елның 20 мартындагы 82 нче санлы боерыгына кушымтадан танышырга мөмкин. №82

Балалар бакчаларының өлкән тәрбиячеләре өчен белем күтәрүнең өстәмә һөнәри белем бирү программасын гамәлгә ашыру тәмамланды

22 март, 2019 - 15:26

Балалар бакчаларының өлкән тәрбиячеләре өчен “Мәктәпкәчә белем бирүнең ФДББСын гамәлгә ашыру шартларында мәктәпкәчә белем бирү оешмалары эшчәнлегенең оештыру-методик аспектлары” проблемасы буенча белем күтәрүнең өстәмә һөнәри белем бирү программасын гамәлгә ашыру тәмамланды (кураторы – Мифтахетдинова Н.Р.). Уку материалын үзләштерү процессында тыңлаучыларның игътибары мәктәпкәчә белем бирү ФДББСын гамәлгә ашыру шартларында мәктәпкәчә белем бирү оешмаларының эшчәнлеген оештыруга юнәлтелде.

«Неокнига» I Республика фәнни-гамәли конференциясе

21 март, 2019 - 09:30

2019 елның 15 мартында Югары Ослан районының Куралово урта гомумбелем мәктәбе базасында “Неокнига” I Республика фәнни-гамәли конференциясе узды.

Конференция Татарстан Республикасы Мәгарифне үстерү институты тарафыннан Татарстан Республикасы Югары Ослан муниципаль районының мәгариф бүлеге белән берлектә оештырылды һәм китап укуга кызыксынуны формалаштыру һәм үстерүнең актуаль мәсьәләләренә, һәм шулай ук Татарстан Республикасы укучылары арасында заманча әдәбиятны киң таратуга багышланды.

Туган якны өйрәнүчеләрнең “Тамырлар. Туган якны өйрәнүчеләрнең Спас җирендә очрашуы” республика форумына чакырылганнар исемлеге

21 март, 2019 - 09:24

“Тамырлар. Туган якны өйрәнүчеләрнең Спас җирендә очрашуы” республика форумының (алга таба – Форум) читтән торып үткәрелгән этабында Татарстан Республикасының 17 муниципаль берәмлегеннән укучыларның һәм педагогларның 63 эше катнашты.

Мәртәбәле жюриның эксперт бәяләмәсе нәтиҗәләре буенча Форумның икенче турында катнашу өчен укучыларның 28 (шуларның 10сы – татар телендә) һәм педагогларның 7 эше сайлап алынды.

Татарстан Республикасында «Ел укытучысы», «Иң яхшы татар теле һәм әдәбияты укытучысы» һәм «Ел тәрбиячесе» конкурсларының җиңүчеләре билгеле булды

19 март, 2019 - 13:16

2019 елның 15 мартында Идел буе дәүләт физик культура, спорт һәм туризм академиясендә конкурс җиңүчеләрен бүләкләү тантанасы узды. Казан шәһәре 2 нче интернат-лицееның биология укытучысы Наил Мирсәетов «Татарстанның ел укытучысы–2019» һөнәри осталык бәйгесе җиңүчесе булды. Ул моңа кадәр «Казан шәһәренең ел укытучысы–2019» исеменә лаек булган иде.

Туган (татар) тел һәм әдәбият укытучыларының “Гомумбелем мәктәпләрендә рус телле укучыларны татар теленә өйрәтүдә мотивлаштыруны үстерү проблемалары” темасы буенча төбәкара семинары

19 март, 2019 - 10:25

2019 елның 15 мартында Казан шәһәре Совет районының татар телендә белем бирә торган 149 нчы лицее базасында Татарстан Республикасы мәгариф һәм фән министрлыгы, Татарстан Республикасы Мәгарифне үстерү институты, Казан шәһәре Башкарма комитетының Мәгариф идарәсе тарафыннан “Гомумбелем мәктәпләрендә рус телле укучыларны татар теленә өйрәтүдә мотивлаштыруны үстерү проблемалары” темасы буенча туган (татар) тел һәм әдәбият укытучыларының төбәкара семинары үткәрелде.

Түгәрәк өстәл: “Киләчәк укытучысы” федераль проектын гамәлгә ашыру шартларында мәгариф хезмәткәрләренең һөнәри һәм шәхескә бәйле компетенцияләрен үстерүнең заманча тенденцияләре” (ТР, Алексеевск районы, Алексеевск ш.т.б.)

15 март, 2019 - 17:00

2019 елның 27 февралендә Алексеевск шәһәр тибындагы бистәсенең Г.С. Боровиков исемендәге 3 нче санлы гомуми урта белем бирү мәктәбендә ТР Мәгарифне үстерү институтының һөнәри һәм шәхескә бәйле компетенцияләрне үстерү бүлеге (бүлек җитәкчесе А.Ә. Юнысов) ТР Алексеевск муниципаль районы Башкарма комитетының мәгариф бүлеге белән берлектә “Киләчәк укытучысы” федераль проектын гамәлгә ашыру шартларында мәгариф хезмәткәрләренең һөнәри һәм шәхескә бәйле компетенцияләрен үстерүнең заманча тенденцияләре” дигән темага түгәрәк өстәл үткәрде.

Террорчылыкны һәм экстремизмны профилактикалау өлкәсендә халыкның төрле категорияләрен УКЫТУНЫҢ КОМПЛЕКСЛЫ МОДУЛЬЛЕ ПЛАНЫ (кыскача лекцияләр һәм презентация материаллары белән)

12 март, 2019 - 16:51

Кадерле хезмәттәшләр!

Татарстан Республикасы Мәгарифне үстерү институтының педагогика, психология һәм андрагоика институты Комплекслы модульле планны гамәлгә ашыру, укытучылар сайлап алу һ.б. мәсьләләр буенча сезгә мәгълүмати ярдәм күрсәтергә әзер.

Җаваплы зат: ШӘРИФҖАНОВА КАДРИЯ ШӘҮКӘТ КЫЗЫ, педагогика фәннәре кандидаты, педагогика, психология һәм андрагогика кафедрасы мөдире.

тел. 236-67-88 , e-mail: kaf-psyholog@mail.ru

Pages