2026 елның 8 нче октябреннән 17 нче октябренә кадәр Татарстан Республикасы Мәгарифне үстерү институтының Мәктәпкәчә һәм башлангыч гомуми белем бирү кафедрасы тарафыннан «Башлангыч мәктәптә мигрант балаларның укудагы кыенлыкларын кисәтү һәм төзәтү» квалификация күтәрү программасы гамәлгә ашырылды (куратор — Зөлфирә Исхак кызы Җамалетдинова, мәктәпкәчә һәм башлангыч гомуми белем бирү кафедрасы доценты). Укыту Татарстан Республикасының Лаеш муниципаль районы педагогик хезмәткәрләре өчен оештырылды.
Укыту барышында миграция очрагы булган балалар белән эшне оештыруның актуаль аспектлары каралды:
- мигрант гаиләләреннән чыккан балаларның укудагы кыенлыкларын кисәтү һәм төзәтүне норматив-хокукый һәм методик яктан тәэмин итү;
- мигрант гаиләләреннән чыккан балаларны укытуны оештыруда дисциплинара якын килү;
- мигрант гаиләләреннән чыккан балаларның тел ягыннан, социомәдәни адаптациясен, социальләшүен һәм мәгариф мохитенә интеграцияләнүен психологик-педагогик яктан тәэмин итү;
- социомәдәни дезадаптацияне, тел һәм тәртип белән бәйле кыенлыкларны кисәтү һ.б.
«Башлангыч мәктәптә миграция очрагы булган балаларны тел ягыннан һәм социомәдәни адаптацияләү» темасына семинар-практикум Татарстан Республикасының Лаеш муниципаль районындагы «Инноватика» күп профильле лицее» муниципаль бюджет гомуми белем бирү учреждениесе базасында узды. Укыту йомгаклау аттестациясе белән тәмамланды.
Курсларга йомгак ясаганда, тыңлаучылар программаны югары һөнәри дәрәҗәдә гамәлгә ашырганнары өчен укытучыларга һәм курсларны оештыручыларга рәхмәт белдерделәр.
