Татарстан Республикасында 2027 елга төбәк инновацион мәйданчык статусына дәгъва иткән оешмаларны сайлап алу конкурсы игълан ителде.
Конкурс сайлап алуының максаты – Татарстан Республикасында белем бирү сыйфатын күтәрү өчен мәгариф оешмасының инновацион эшчәнлеген стимуллаштыру.
Төбәк инновацион мәйданчыгы статусына дәгъва кылуга конкурс нигезендә сайлап алуда ике төрле инновация эшчәнлеген гамәлгә ашыра торган мәгариф оешмалары катнаша ала:
1) Татарстан Республикасы территориясендә урнашкан, педагогик профильдәге югары, һөнәри, өстәмә һөнәри белем бирү программалары буенча белем бирү эшчәнлеген гамәлгә ашыручы, фәнни консультацияләр функцияләрен башкаручы дәүләт мәгариф оешмалары (беренче төр инновацион мәйданчыклар);
2) Татарстан Республикасы территориясендә урнашкан, балаларга мәктәпкәчә, гомуми, өстәмә белем бирү программалары буенча белем бирү эшчәнлеген гамәлгә ашыручы, фәнни консультант һәм апробация мәйданчыклары белән берлектә эшләүче дәүләт һәм муниципаль белем бирү оешмалары (икенче төр инновацион мәйданчыклар).
Конкурс нигезендә сайлап алуда катнашу өчен мәгариф оешмаларына 2026 елның 10 нчы декабренә кадәр электрон мәйданчыкта документлар пакетын урнаштырырга кирәк:
https://forms.yandex.ru/cloud/68f0b30090fa7b24f0f46f7d/ (беренче төр инновацион мәйданчыклар өчен);
https://forms.yandex.ru/cloud/68f0b39390fa7b27eaf46e65/ (икенче төр инновацион мәйданчыклар өчен).
