25 февраль, 2021 - 09:29
24 февральдә Чистай шәһәрендә туган тел һәм әдәбият укытучыларының «Ел укытучысы–2021» Бөтенроссия конкурсының зона туры узды.
4 укытучы – Татарстан Республикасы Чистай, Яшел Үзән, Югары Ослан һәм Лаеш муниципаль районнары муниципаль этапларында җиңүчеләр – үзләренең дәресләрен һәм мастер-классларын күрсәттеләр. Жюри составында Татар теле һәм әдәбияты кафедрасы мөдире Шәмсетдинова Рәсимә Равил кызы һәм мәктәпкәчә һәм башлангыч гомуми белем бирү кафедрасы доценты Җамалетдинова Зөлфирә Исхак кызы эшләде.
