Дәүләт биреме кысаларында Татарстан Республикасы Мәгарифне үстерү институтының мәктәпкәчә һәм башлангыч гомуми белем бирү кафедрасы 2021 елның 29 октябрендә видеоконференция форматында «Мәктәпкәчә белем бирү учреждениеләрендә полилингваль белем бирүне оештыруның заманча белем бирү практикалары» республика семинары үткәрде.
Семинарның модераторы-мәктәпкәчә һәм башлангыч гомуми белем бирү кафедрасының өлкән укытучысы Надия Равил кызы Мифтахетдинова.
Семинарның максаты-полилингваль мохит шартларында мәктәпкәчә белем бирү программаларын гамәлгә ашыручы педагогик хезмәткәрләргә мәгълүмати һәм консультатив-методик ярдәм күрсәтү. Семинар Түбән Кама, Яр Чаллы, Алабуга, Казан полилингваль белем бирү комплексларына керүче мәктәпкәчә белем бирү оешмаларының педагогик коллективларының эш тәҗрибәсен тәкъдир итү мәйданчыгы булды. Балалар бакчасында полилингваль мохит формалаштыру һәм үстерүгә багышланган чыгышлар тыңлаучыларда кызыксыну уятты. Тәҗрибә Казан шәһәре Яңа Савин районының 99 нчы номерлы һәм 401 нче номерлы мәктәпкәчә белем бирү педагоглары, Яр Чаллы шәһәренең 106-нчы номерлы балалар бакчасы, Казан шәһәре Киров районының 101 нче номерлы балалар бакчасы, Алабуга шәһәренең 35 нче һәм 39 нчы номерлы балалар бакчасы, Түбән Кама шәһәренең 94 нче номерлы балалар бакчасы педагоглары тарафыннан тәкъдим ителде. Чарада катнашучылар семинарның практик әһәмиятен, мәктәпкәчә белем бирү оешмаларында полилингваль белем бирүне оештыру тәҗрибәсен тәкъдим иткән педагогларның профессиональлеген һәм иҗади якын килүне билгеләп үттеләр.
