2022 елның 21 һәм 23 сентябрендә Татарстан Республикасы Мәгарифне үстерү институты базасында «Технология» предметы өлкәсендәге яңартылган эчтәлек модуль принцибын гамәлгә кертү/ тәэмин итү/ сынап карау программасы» федераль инновацион мәйданчыгы эшчәнлеген оештыру-методик һәм мәгълүмати тәэмин итү максаты белән «Технология» предмет өлкәсе буенча программаларны гамәлгә ашыручы һәм федераль инновацион мәйданчык катнашучылары булган педагогик хезмәткәрләр өчен республика семинарлары планлаштырылган.
Көндезге семинарлар кысаларында "3D-модельләштерү, прототиплаштыру, макетлау", "Компьютер графикасы. Сызу" һәм "Робототехника" модульләрен гамәлгә ашыру өчен җиһазлар һәм программалар белән эшләү буенча мастер-класслар узачак.
«Яңартылган ФДББС буенча «Технология» фән өлкәсен укытуның актуаль мәсьәләләре: 3D-каләм белән күләмле модельләштерү практикасы» (21.09.2022-9.00 сәгатьтә) семинары кысаларында 3D-каләм белән эшләргә өйрәтеләчәк.
«Яңартылган ФДББС буенча «Технология» фән өлкәсен укытуның актуаль мәсьәләләре: график редакторларда эшләү практикасы» семинары (23.09.2022 -11.00 сәгатьтә) «Компас 3D» һәм «ThinkerCad» программаларын өйрәнүгә багышланачак.
«Яңартылган ФДББС буенча «Технология» фән өлкәсен укытуның актуаль мәсьәләләре: робототехника буенча дәресләр оештыру практикасы» семинары (23.09.2022 - 13.00 сәгатьтә) LEGO-роботларны конструкцияләүгә һәм программалаштыруга юнәлтеләчәк.
Семинарларда катнашу өчен алдан теркәлү кирәк. Семинарлар турында тулырак мәгълүматны «Технология» федераль инновацион мәйданчыгы битендә табып була: http://irort.ru/ru/node/5376