Татарстан Республикасы Президентының 2022 елның 30 декабрендәге пр-285 номерлы йөкләмәләре исемлегендә 1.1 пунктын һәм Татарстан Республикасы Мәгариф һәм фән министрлыгының 2022 елның 27 декабрендәге РК 7/2022 номерлы коллегиясе карарларының 4 пунктын үтәү кысаларында педагогик хезмәткәрләрнең һәм идарәче кадрларның квалификациясен күтәрү һәм һөнәри осталык үсешен өзлексез адреслы фәнни-методик тәэмин итүне үтәү өлешендә, агымдагы елның 27 гыйнварында Һөнәри компетенцияләрне үстерү бүлеге хезмәткәрләре «Укытуның барлык дәрәҗәләрендә функциональ грамоталылыкны үстерү факторы буларак, табигый-математик цикл фәннәре буенча дәрестән тыш эшчәнлекнең оештыру модельләре» республика семинарын уздырдылар.
Семинар Яр Чаллы шәһәренең 4нче урта гомуми белем бирү мәктәбе базасында оештырылды. Семинарның пленар өлешендә, билгеләнгән тематика буенча педагоглар докладыннан тыш, Татарстан Республикасы Мәгарифне үстерү институты хезмәткәрләре тыңлаучылар өчен заманча укытучыларның цифрлы белем бирү инструментлары һәм аларның заманча укытучылар эшчәнлегендәге роле белән бәйле сорауларны яктыртты. Семинарның секция эшендә педагоглар мастер-класслар үткәрделәр һәм бу өлкәдә үзләренең уникаль эшләнмәләре белән уртаклаштылар. Шулай ук семинар кысаларында кабул итүче мәктәп хезмәткәрләре өчен һөнәри компетенцияләрне үстерү бүлеге хезмәткәрләре әлеге оешманың җитәкче һәм педагогик хезмәткәрләрен аралашуда проблемалы аспектларны ачыклау һәм нивелирлауга юнәлтелгән «Педагогик коллективта нәтиҗәле хезмәттәшлек» темасы буенча практикум үткәрделәр.
