Татарстан Республикасының Мәгарифне үстерү институты һәм Татарстан Республикасы Сынлы сәнгать дәүләт музее Татарстан Республикасында Милли мәдәниятләр һәм традицияләр елын үткәрү кысаларында «Сәнгать» предметы өлкәсе педагоглары өчен мәдәни-белем бирү вакыйгалары циклын дәвам итәләр.
2023 елның 16 февралендә институтта онлайн режимда педагоглар һәм музей җәмәгатьчелеге вәкилләре очрашуы узды. Лихачевлар династиясенә багышланган «Казан губернасында туып – үскән Лихачевлар Ватанга хезмәттә» лекциясен Татарстан Республикасы Дәүләт сынлы сәнгать музее Балалар һәм яшүсмерләрнең иҗади үсеш ресурслы үзәге мөдире Ирина Николаевна Нейдерова үткәрде.
Бу хикәя Россия фәненә һәм сәнгатенә зур өлеш керткән өч күренекле шәхескә багышланган иде, алар коллекционер, нумизмат, археолог Андрей Федорович Лихачев, диңгез офицеры, рус флотының контр-адмиралы Иван Федорович Лихачев һәм аларның бертуганының улы, Россия Фәннәр академиясе академигы Николай Петрович Лихачев.
Әңгәмә барышында рәсем, декоратив-гамәли сәнгать әсәрләре, фоторәсемнәр, архив документлары, китаплар, илнең федераль музейларыннан һәм фәнни институтлардан мемориаль предметлар тәкъдим ителде.
Иҗади очрашу тыңлаучыларда яхшы тәэсирләр калдырды.
