Татарстан Республикасы Мәгарифне үстерү институты «Мәктәп мәгълүмати-китапханә үзәге һәм мәктәп китапханәсе базасында уртак эшчәнлек» республика конкурсы башлануы турында игълан итә. (алга таба – Конкурс).
Конкурс педагогик һәм китапханә хезмәткәрләренең уртак эшчәнлегенең алдынгы тәҗрибәсен, мәктәп мәгълүмат-китапханә үзәге һәм мәктәп китапханәсе базасында нәтиҗәле уртак практикаларны һәм иң яхшы идеяләрне тәкъдим итүгә һәм популярлаштыруга юнәлдерелгән.
Конкурс номинацияләре:
- Иң яхшы проект;
- Иң яхшы китапханә дәресе (интеграль дәрес, дәрес-кейс, дәрес-викторина, дәрес-фикер алышу, дәрес – эвристик әңгәмә, дәрес – эшлекле уен, дәрес – интеллектуаль турнир, дәрес-әдәби сәяхәт, дәрес-тренинг, дәрес - практика, дәрес-вернисаж һ. б.);
- Иң яхшы сыйныфтан тыш чара (Әдәби-музыкаль композиция, квест, музыкаль-шигъри урамда йөрү, әдәби кафе, флешмоб, тематик кичә, шигъри батл, укучы бенефисы, әдәби уен һ. б.);
- Иң яхшы театраль постановка;
- «Минем педагог, остазым һәм укытучым» (конкурсантның һөнәри һәм шәхси формалашуында мөһим роль уйнаган коллегасына, укытучысына, туганына багышланган эссе, шигырь, очерк, хикәя, хат, көндәлек, интервью, Презентация, видеоролик һ.б.).
Конкурста катнашу өчен төрле типтагы белем бирү оешмаларының педагогик һәм китапханә хезмәткәрләре, муниципаль мәгариф идарәсе органнары методистлары, өстәмә белем бирү педагоглары, мәктәп музейлары җитәкчеләре һәм белем бирү өлкәсендәге башка белгечләр чакырыла.
Конкурста катнашу өчен 2023 елның 31 маена кадәр гариза һәм таләпләргә туры китереп материалларны тапшырырга кирәк (нигезләмәне карагыз).
Оештыру һәм үткәрү мәсьәләләре буенча җаваплы оештыручыларга мөрәҗәгать итәргә: Хаҗиева Елена Васильевна (Татарстан Республикасы Мәгарифне үстерү институты Китапханә-мәгълүмати тәэмин итү секторы мөдире), Сәйфиева Ольга Валентиновна (Татарстан Республикасы Мәгарифне үстерү институты Китапханә-мәгълүмати тәэмин итү секторы белгече), телефон: 8 (843)236-56-33.