Россия Федерациясе субъектларының өстәмә һөнәри белем бирү оешмалары җитәкчеләренең бөтенроссия көндезге киңәшмәсе Россия Мәгариф министрлыгы академиясендә 2023 елның 18 апрелендә узды.
Киңәшмәдә катнашучыларга сәламләү сүзе белән Россия Федерациясе Мәгариф министры урынбасары Татьяна Васильева мөрәҗәгать итте. Чарада докладлар белән Россия Мәгариф министрлыгының Цифрлы трансформация һәм зур мәгълүматлар департаменты директоры Андрей Горобец; Россия Мәгариф министрлыгының Педагогик хезмәткәрләрне әзерләү, һөнәри үстерү һәм социаль тәэмин итү департаменты директоры Алексей Благинин; һәм Россия Мәгариф министрлыгының гомуми белем бирү өлкәсендә дәүләт сәясәте һәм идарә итү департаменты директоры урынбасары Марина Упорова чыгыш ясады.
Киңәшмә барышында Педагог һәм остаз елын үткәрү буенча чаралар планын гамәлгә ашыру; белем бирү оешмалары директорларын аттестацияләүнең билгеләнгән моделен гамәлгә кертү; өстәмә һөнәри белем бирүнең төбәк оешмалары структурасын камилләштерүгә бердәм алымнар; шулай ук «Россия Мәгариф министрлыгы мәктәбе» һәм «Мәгариф флагманнары» проектларын гамәлгә ашыруның барышы мәсьәләләре тикшерелде.
Киңәшмәдә шулай ук Россия мәгариф академиясенең Мәгарифне үстерү стратегиясе институтының Фәнни-тикшеренү эшчәнлеге идарәсе башлыгы Ирина Ускова һәм Евгений Вахтангов исемендәге дәүләт академия театры каршындагы Борис Щукин исемендәге Театр институтының сәхнә сөйләме кафедрасы мөдире Анна Бруссер чыгыш ясады.
Өстәмә һөнәри белем бирү өлкәсендә югары профессионализм һәм нәтиҗәле хезмәттәшлек өчен Россия Мәгариф министрлыгының Рәхмәт хатлары белән өстәмә һөнәри белем бирү төбәк оешмалары коллективлары, җитәкчеләре һәм җитәкчеләре урынбасарлары билгеләнде, алар арасында Татарстан Республикасы Мәгарифне үстерү институты ректоры Ногманова Людмила Николаевна да бар иде.
https://apkpro.ru/novosti/vserossiyskoe-soveshchanie-rukovoditeley-organ...
