Педагог һәм остаз елы кысаларында 2023 елның 28 апрелендә Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы мәктәпкәчә белем бирү педагогларының һөнәри берләшмәсе белән берлектә Татарстан Республикасы мәктәпкәчә белем бирү системасының берничә буын педагогларын һәм белгечләрен берләштергән чара үткәрде.
Мондый очрашуның максаты-традицияләрне һәм буыннар дәвамлылыгын саклау, шулай ук республикабызның мәктәпкәчә белем бирү системасын булдыруга һәм үстерүгә зур өлеш керткәннәргә рәхмәт белдерү өчен искиткеч сәбәп.
Чакырылган кунаклар арасында Татарстан Республикасы Мәгарифне үстерү институтында үз гомеренең күп өлешен эшләгән кешеләр - Мәктәпкәчә белем бирү кафедрасы ветераннары да бар иде - Борһанова Рәшидә Габдрахман кызы һәм Исаева Роза Ивановна. Шулай ук Ишниязова Зөлфия Локман кызы, Манюрова Гөлнур Хәлирәхман кызы, Шәехова Резеда Камил кызы, Гатина Фәридә Хәлиулла кызы, Морозова Марина Васильевна, Закирова Кәфия Вәли кызы, Фәйзетдинова Рушания Сәлимулла кызы һәм башкалар (барлыгы 20 кеше) чараның мактаулы кунаклары булдылар. Чарада катнашучылар үзләренең истәлекләре белән уртаклаштылар һәм түгәрәк өстәл артында бер-берсе белән аралаштылар. Ветераннар өчен концерт оештырылды, программага Кукмара муиципаль районы балалар бакчалары, «Карадуган» Балтач балалар бакчасы, Казанның 183, 54, 135,147 номерлы балалар бакчалары педагоглары әзерләгән музыкаль һәм бию номерлары керде.
Очрашуны оештыручылар - мәктәпкәчә һәм башлангыч гомуми белем бирү кафедрасы хезмәткәрләре Абдуллина Рузилә Вәгыйз кызы һәм Латыйпова Рәсилә Илдус кызы-Татарстан Республикасы Мәгарифне үстерү институты исеменнән укытучыларга, хезмәт ветераннарына, үз гомерләрен Татарстан Республикасында педагогларның өзлексез һөнәри үсешенә һәм мәктәпкәчә белем бирүнең сыйфатын күтәрүгә багышлаган кешеләргә рәхмәт хатлары тапшырдылар.
