2025 елның 17 апрелендә Ижевск шәһәрендә «Мәктәпнең белем бирү эшчәнлеге: инновацияләрдән алып федераль дәүләт белем бирү стандартларын системалы гамәлгә ашыруга кадәр» III төбәкара форумы узды. Ел саен Форум эше кысаларында педагоглар, методистлар, китап нәшриятлары вәкилләре укыту һәм тәрбия өлкәсендә реаль гамәли тәҗрибә, яңа идеяләр һәм технологияләр белән уртаклашу мөмкинлеге ала.
Асоциаль тәртипне тәрбияләү һәм профилактикалау лабораториясе фәнни хезмәткәре, «Россия – мөмкинлекләр иле» Президент платформасының «Мәгариф флагманнары» һөнәри конкурсы финалисты Хазбиева Лилия Илгиз кызы проект командасы чакыруы буенча форумның пленар дискуссиясендә «Заманча чакырулар контекстында тәрбия эшен оештыру» темасы белән чыгыш ясады. Лилия Илгиз кызы үз чыгышында тыңлаучыларны тәрбия эшчәнлеген оештыруга бәйле законнардагы үзгәрешләр белән таныштырды, шулай ук заманча мәктәп тәрбиясе системасының төп проблемаларын карауга һәм фикер алышуга тәкъдим итте.
«Хәзерге заманда уку дисциплиналарының тәрбия потенциалы» дисциплинаара түгәрәк өстәле кысаларында педагоглар укыту һәм тәрбияләү процессында инновацион технологияләрне куллануның реаль практик тәҗрибәсе белән уртаклаштылар.
