2025 елның 26 апрелендә «Татарстан Республикасы Мәгарифне үстерү институты» өстәмә һөнәри белем бирү дәүләт мәгариф учреждениесе мәйданчыгында социаль-гуманитар цикл предметлары буенча белем бирү программаларын гамәлгә ашыруның методик аспектларына багышланган «Белем көче» фәнни-гамәли конференциясе үткәрелде.
Фәнни-гамәли конференция укучыларның иҗади сәләтләрен ачу, аларда системалы фәнни-тикшеренү эшенең белем һәм күнекмәләрен үстерү, заманча техник мәгълүмат чараларын һәм технологияләрне белү дәрәҗәсе арту фонында аларның интеллектуаль культурасын камилләштерү максатында үткәрелә.
Конференциядә докладлар белән 5-10 сыйныф укучылары чыгыш ясады, алар остазлары җитәкчелегендә укучылар белән практик эшчәнлектә заманча педагогик карарларның кулланылуын раслый торган төрле проектлар тәкъдим иттеләр.
Конференция Татарстан Республикасының гомуми белем бирү оешмалары арасында гына түгел, күрше регионнарда, аерым алганда, Ульяновск өлкәсендә дә кызыксыну уятты, бу исә белем бирү вакыйгаларының әлеге форматына ихтыяҗның зур булуы хакында әйтергә мөмкинлек бирә.
