Татарстан Республикасы Мәгарифне үстерү институтының мәктәпкәчә һәм башлангыч гомуми белем бирү кафедрасы 2025 елның 4 һәм 5 июнендә башлангыч сыйныфлар укытучыларының квалификациясен күтәрүнең «Башлангыч сыйныф укытучысы эшчәнлегендә цифрлы белем бирү инструментлары» өстәмә һөнәри программасын тыңлаучыларның ике төркемен уңышлы укытып чыгарды (кураторы – кафедраның өлкән укытучысы Сәгъдиева И.Т.).
Программа кысаларында институт укытучылары (Рябова А.А., Яковенко Т. В., Яковенко К. С.) җитәкчелегендә тыңлаучылар киләчәк технологияләрен кулланырга һәм мәгариф өлкәсендәге цифрлы продуктлар һәм процесслар белән идарә итәргә мөмкинлек бирә торган белем һәм күнекмәләр алдылар, үз эшчәнлекләрендә төрле интерактив дидактик ресурсларны генерацияләү өчен яңа онлайн-инструментларны сынап карадылар.
Стажировка чаралары яңартылган «Татарстан Республикасында электрон мәгариф системасы»ның яңа ресурсларын һәм «Сферум» платформасында интеграция мөмкинлекләрен өйрәнүгә багышланган иде. Тыңлаучылар өчен практикумнарны Казан шәһәре Идел буе районының «16 нчы номерлы гимназия» муниципаль автоном белем бирү учреждениесе тьюторы Миңнеәхмәтова С.А. үткәрде.
Укытуда катнашучылар – башлангыч белем бирү педагоглары үз бәяләмәләрендә уку процессының югары дәрәҗәдә оештырылуын, укытучыларның профессиональлеген һәм компетентлылыгын билгеләп үттеләр:
- «Курс өметләрне тулысынча аклады, белемнәрне системалаштырырга һәм һөнәри дәрәҗәне күтәрергә ярдәм итте. Хезмәттәшләремә, һичшиксез, киңәш итәм!»
- «Курс кызыклы, тирәнтен. Мәгълүмат аңлаешлы формада бирелде. Курсны тәҗрибәле практик укытучылар алып баруы бик мөһим. Үзем өчен файдалы һәм кирәкле белем багажы алып китәм, аны эштә һәм тормышта кулланырга ниятлим».
- «Барысы да бик эчтәлекле һәм аңлаешлы! Курс укытучыларына зур рәхмәт! Өйрәттеләр, илһамландырдылар!»
- «Бик яхшы курслар! Материал аңлаешлы. Эштә җиңел кулланырга мөмкин. Коллегаларга курсларны тәкъдим итәм!»
