Татарстан Республикасы Мәгарифне үстерү институтында оештырылган «Княжа» ансамбле «Бузулуктагы Троица» фестивалендә республиканың җыр традицияләрен тәкъдим итте.
7 һәм 8 июньдә Волгоград өлкәсенең Новоаннинский шәһәрендә һәм Филоновская станицасында «Бузулуктагы Троица» фольклор-этнографик фестивале узды. Фестивальгә Мәскәү, Санкт-Петербург, Саратов, Курск, Тольятти, Волгоград һәм Ставропольдән танылган коллективлар килгән иде.
7 июньдә Новоаннинский шәһәренең «Җиңү» мәдәният йорты сәхнәсендә концерт программасы кысаларында «Княжа» ансамбле (җитәкчесе Кондратьева Н.Б.) тыңлаучыларны төбәгебезнең мәдәни мирасы белән таныштырды, рус, татар һәм керәшеннәрнең җыр традицияләрен тәкъдим итте. Тамашачылар шулай ук Татарстан Республикасы территориясендә яшәүче халыкларның традицион киемнәре белән таныштылар, чөнки коллективта катнашучылар яңадан торгызылган костюм комплексларын кигән иде.
8 июньдә Филоновская станицасында бәйрәм чаралары уздырылды. Анда катнашучылар һәм кунаклар әйлән-бәйлән оештырды, такыяларны Бузулук елгасына ташлап, күрәзәлек иттеләр, йола ризыклары (йомырка тәбәсе һәм бәлешләр, хуш исле чәй) белән сыйландылар, җырладылар һәм казак хәрби сәнгатенең үзенчәлекләрен үзләштерделәр.
Фестиваль Россия Федерациясе төбәкләренең үзенчәлекле традицияләре белән генә түгел, Волгоград өлкәсе казакларының тарихы һәм мәдәнияте белән дә танышырга мөмкинлек бирде.
