2025 елның 12 августында Түбән Камада Түбән Кама химия-технология институты базасында химия укытучыларының «Заманча белем бирү чынбарлыгы шартларында химия буенча белем бирү: стратегияләр, өстенлекләр һәм бурычлар» І Форумы үткәреләчәк.
Форумны ТР Мәгариф һәм фән министрлыгы, шулай ук Татарстан Республикасының әйдәп баручы югары уку йортлары «Казан (Идел буе) федераль университеты» федераль дәүләт автоном югары белем бирү учреждениесе, нефть химиясе өлкәсендә төбәкнең алдынгы югары уку йортларының берсе булган «Казан илкүләм тикшеренү технология университеты» федераль дәүләт автоном югары белем бирү учреждениесе, «Түбән Кама Нефтехим» акционерлык җәмгыяте, «Татнефтехиминвест-холдинг» акционерлык җәмгыяте һәм башкалар оештыра.
Форумда «Химия һәм тормыш» журналының баш мөхәррире Любовь Стрельникова һәм химия укытучыларының Гомумроссия иҗтимагый оешмасы рәисе, «Мәктәптә химия» журналының баш мөхәррире Людмила Левина катнашачак.
Форумда ТР гомуми белем бирү оешмаларының химия укытучылары, галимнәр һәм укытучылар, өстәмә белем бирү оешмалары җитәкчеләре һәм хезмәткәрләре, муниципаль мәгариф идарәсе органнары җитәкчеләре, ТР химия һәм нефть химиясе кластеры компанияләре вәкилләре катнашачак.
Форум кысаларында катнашучылар педагогик технологияләр һәм инженерлык инновацияләре өлкәсендәге иң яхшы тәҗрибәләр белән танышачаклар, югары уку йортлары һәм мәктәпләр арасындагы хезмәттәшлекнең нәтиҗәле формалары турында фикер алышачаклар, мәктәпләр, көллиятләр һәм югары уку йортлары базасында гамәлгә ашырыла торган уңышлы белем бирү проектлары белән уртаклашу мөмкинлеге алачаклар.
Химия укытучыларының «Заманча белем бирү чынбарлыгы шартларында химия буенча белем бирү: стратегияләр, өстенлекләр һәм бурычлар» форумын үткәрү «Профессионалитет» федераль проектының «Яшьләр һәм балалар» яңа илкүләм проектының максатларына туры килә. Россиядә илкүләм проектлар 2019 елда РФ Президенты Владимир Путин кушуы буенча эшли башлады.
Чыганакка сылтама:https://mon.tatarstan.ru/index.htm/news/2440094.htm
