2026 елның 26-27 февралендә «XXI гасыр мәгариф үсеше тенденцияләре: укучылар үсешенең кирәкле шарты буларак заманча мәктәптә белем бирү киңлеген формалаштыру» VII Республика фәнни-гамәли конференциясе үткәрелде.
Чараны Татарстан Республикасы Мәгарифне үстерү институты, Түбән Кама, Бөгелмә, Кукмара һәм Питрәч муниципаль районнарының мәгариф идарәләре/бүлекләре оештырды.
Конференциядә катнашучылар һәм кунаклар түбәндәге мәсьәләләр буенча фикер алыштылар:
- заманча таләпләрне исәпкә алып, мәктәптә уку процессын ничек оештырырга;
- нинди яңа методикалар укучыларны яхшырак өйрәтергә һәм үстерергә ярдәм итә;
- дәресләрдә цифрлы технологияләрне ничек кулланырга;
- укучыларга белем алу кызыграк булсын һәм алар мөстәкыйль фикер йөртергә өйрәнсеннәр өчен нишләргә?;
- сәләтле балалар һәм махсус укыту шартлары кирәк булганнар белән ничек эшләргә.
Конференциядә катнашучыларга сәламләү сүзе белән Татарстан Республикасы
Мәгарифне үстерү институты өстәмә һөнәри белем бирү дәүләт мәгариф учреждениесенең фәнни һәм инновацион эшчәнлек буенча проректоры, х.ф.к. Лариса Петровна Шәмсетдинова мөрәҗәгать итте.
Конференция 600дән артык катнашучыны берләштерде һәм әлеге мәйданчыкларда үткәрелде:
- Түбән Кама муниципаль районының («7 нче номерлы УББМ» МБМУ, «19 нчы номерлы УББМ» МБМУ, «25 нче номерлы Гимназия» МБМУ, «А.А. Шаповалов исемендәге 31 нче номерлы лицей» МБМУ, «32 нче номерлы гимназия» МБМУ, «33 нче номерлы УББМ» МБМУ, «36 нчы номерлы УББМ» МБМУ);
- Бөгелмә муниципаль районының (5 нче номерлы аерым фәннәрне тирәнтен өйрәнү мәктәбе УББ МБМУ);
- Кукмара муниципаль районының («Ч.Т. Айтматов исемендәге 1 нче номерлы гимназия» МБМУ);
- Питрәч муниципаль районының («Ленино-Кокушкино УББМ» МБМУ).
Программа берничә форматтан тора:
- пленар утырыш – биредә экспертлар чыгыш ясады һәм мәгарифтәге төп трендлар турында сөйләделәр;
- тематик секцияләр –катнашучылар конкрет предметлар һәм юнәлешләр буенча тәҗрибә уртаклаштылар;
- мастер-класслар –тәҗрибәле педагоглар үз методикаларының практикада ничек эшләвен күрсәттеләр;
- түгәрәк өстәлләр – биредә актуаль мәсьәләләр турында фикер алыштык һәм уртак чишелешләр эзләдек.
Конференциядә катнашучылар укучыларның һәрьяклап үсешенә һәм нәтиҗәле педагогик хезмәттәшлеккә ярдәм итә торган бердәм белем бирү киңлеген формалаштыруның мөһимлеген билгеләп үттеләр.
