2026 елның 31 мартыннан 09 апреленә кадәр Татарстан Республикасы Мәгарифне үстерү институтының мәктәпкәчә һәм башлангыч гомуми белем бирү кафедрасы «В.В. Воскобовичның уен технологияләрен кулланып, мәктәпкәчә һәм башлангыч гомуми белем бирүне оештыруга заманча алымнар» мәктәпкәчә белем бирү оешмасы педагогларының квалификациясен күтәрү программасын гамәлгә ашырды (кураторы - өлкән укытучы Абдуллина Р. В.).
Бу курсларда Воскобовичның үстерү методикасына һәм аны мәктәпкәчә яшьтәге балаларга полилингваль белем бирүдә куллану мөмкинлекләренә аерым игътибар бирелде. Воскобович методикасы балалар фикерләвенең өч принцибына корылган: танып-белү, кызыксыну, иҗат. Методика вариатив һәм күп функцияле. Воскобовичның конструкторлары, башваткычлары һәм тренажерлары төрле кызыксынулары һәм яшьләре булган балалар өчен туры килә, катлаулы белем бирү бурычларын хәл итүнең чиксез мөмкинлекләрен ача. Сөйләм үсеше, социаль-коммуникатив күнекмәләр, математика һәм логика нигезләре, вак моторика, пространстволы фикерләү – болар барысы да уен алымнары ярдәмендә аңлаешлы һәм мавыктыргыч була.
Программаны гамәлгә ашыруда автор Вячеслав Вадимович Воскобович үзе катнашты, ул тыңлаучыларга 2 яшьтән 12 яшькә кадәрге балаларның интеллектуаль-иҗади үсешенә юнәлдерелгән «Уенның әкияти лабиринтлары» технологиясен тәкъдим итте.
Укыту кысаларында Татарстан Республикасы балалар бакчалары тәрбиячеләре, һичшиксез, аларның һөнәри эшчәнлеген баетачак файдалы белем һәм гамәли күнекмәләр үзләштерде.
