25 апрельдә Мәгарифне үстерү институты коллективы традицион язгы өмәгә чыкты. Хезмәткәрләр шәһәребезнең чисталыгына һәм матурлыгына үз өлешләрен кертү өчен төзекләндерү буенча төбәк акциясенә бердәм рәвештә кушылдылар.
Тирә-яктагы территорияне җыештыру файдалы эш кенә түгел, ә формаль булмаган шартларда җанлы аралашу өчен менә дигән мөмкинлек тә булды. Саф һавада уртак хезмәт, һәрвакыттагыча, команданы берләштерде: берәүләр былтыргы яфракларны һәм чүп-чарны җыйган арада, икенчеләре чәчәк түтәлләрен һәм кече архитектура формаларын тәртипкә китерде, өченчеләре территорияне буяу һәм язгы-җәйге сезонга әзерләү белән шөгыльләнде.
«Өмә – шәһәребезне, үз эш урыныбызны һәм территориябезне чистарту гына түгел, ә бердәмлегебезне, команда рухын һәм дуслыгыбызны яңадан тою өчен менә дигән сәбәп», — дип билгеләп үттеләр чарада катнашучылар.
Акция дәвамында үзара ярдәм һәм позитив атмосфера хөкем сөрде. Эш тәмамланганнан соң, хезмәткәрләр бер-берсенә яхшы кәеф һәм килешеп эшләүләре өчен рәхмәт белдерделәр.
Мәгарифне үстерү институты барлык хезмәткәрләргә актив гражданлык позицияләре өчен,
битараф булмау һәм безнең төбәкнең чисталыгын һәм экологик культурасын саклап калуга шәхси өлеш кертүләре өчен рәхмәт белдерә.
Шәһәрнең чисталыгы һәрберебездән тора!
