2026 елның 16 июнендә Татарстан Республикасы Мәгарифне үстерү институтында чит ил гражданнары балаларын укыту, социаль, тел һәм мәдәни адаптацияләү процессларын тәэмин итү чаралары циклы кысаларында «Мәгариф оешмасында мигрант балаларны гибрид укыту» республикакүләм фәнни-гамәли вебинары узды.
Чара Россия мәгариф киңлегенә мигрант гаиләләрдән белем алучыларны интеграцияләүнең актуаль мәсьәләләре буенча фикер алышу өчен 260 тан артык педагог, методист, психолог һәм мәгариф оешмалары җитәкчеләрен җыйды.
Очрашуның төп темасы тел киртәсен җиңү һәм социомәдәни адаптацияне тизләтү өчен нәтиҗәле корал буларак гибрид укытуны оештыру булды. Катнашучылар катнаш форматта белем бирүдә инофон-балалар очрата торган төп мәсьәләләрне карадылар һәм аларны хәл итү юллары турында фикер алыштылар.
Вебинар эше барышында:
- уку процессын индивидуальләштерү өчен цифрлы платформаларны куллану буенча гамәли кейслар;
- өй эшләренә дифференциацияле якын килү методикасы һәм рус телен төрле дәрәҗәдә белгән укучыларның белемнәрен бәяләү;
- формаль булмаган аралашуга һәм сыйныф коллективын туплауга ярдәм итә торган инклюзив цифрлы мохит булдыру стратегияләре һ.б. тәкъдим ителде.
Гибрид модельдә педагог-остаз роленә аерым игътибар бирелде. Спикерлар укытуның традицион методикаларын заманча цифрлы инструментлар белән берләштерүнең баланы уку процессына җәлеп итү һәм аның мотивациясен саклап калу өчен мөһимлеген ассызыкладылар.
Чара һөнәри бергәлектә тәҗрибә уртаклашуның зур ихтыяҗга ия булуын раслады һәм күпмәдәни белем бирү шартларында эшләүче педагогларның квалификациясен күтәрүдә мөһим адым булды.
Барлык материаллар һәм спикерларның презентацияләре катнашучыларга киләчәктә дә эштә файдалану өчен ачык.
#ИРОРТ
