2026 елның 28 августында 300 педагог һәм Татарстан Республикасы гомуми белем бирү оешмалары җитәкчеләрен «Педагогның һөнәри эшчәнлегендә ясалма интеллект инструментлары: планлаштырудан — укучылар белән түгәрәк эшчәнлегенә кадәр» өстәмә һөнәри квалификация күтәрү программасы буенча 72 академик сәгать күләмендә укыту тәмамланды.
Педагогларны һәм мәктәп җитәкчеләрен укыту кысаларында белем бирүдә ясалма интеллектны куллануның теоретик-методологик нигезләре, белем бирү мохите белән идарә итүдә ясалма интеллект куллану каралды, ясалма интеллект-агентлар булдыру буенча практикум үткәрелде.
Квалификация күтәрү программасын үзләштерү чорында педагоглар һәм мәктәп җитәкчеләре өч модуль үттеләр: «Татарстан Республикасы Мәгарифне үстерү институты» өстәмә һөнәри белем бирү дәүләт автоном мәгариф учреждениесе, Иннополис Университеты, «Казан шәһәренең 21 мәктәбе» АКБО базасында. Укуның йомгаклау этабында педагоглар һәм мәктәп җитәкчеләре проект эшләрен якладылар һәм йомгаклау аттестациясен үттеләр. Йомгак ясаганда укучылар курсларның югары дәрәҗәдә оештырылуын, тематиканың актуальлеген, программаның гамәли юнәлешле булуын, укуның барлык этапларында да тәэмин ителүнең яхшы оештырылуын билгеләп үттеләр.
