Татарстан Республикасы Мәгарифне үстерү институты өстәмә белем бирү ДАББУ «Казан шәһәре Яңа Савин районының 12 нче балалар сәнгать мәктәбе» МБУДО белән берлектә катнаш режимда «Хореография сәнгате: өстәмә белем бирү учреждениеләрендә укыту формаларын һәм эчтәлеген яңарту» түгәрәк өстәле (алга таба – түгәрәк өстәл) оештырды һәм үткәрде.
Түгәрәк өстәлнең төп максаты – балаларга өстәмә белем бирү учреждениеләрендә бию сәнгатен укытуның хәзерге торышы турында фикер алышу.
Түгәрәк өстәлнең экспертлары булып хореография сәнгате өлкәсендә әйдәп баручы белгечләр, театр педагоглары һәм педагог-хореографлар чыгыш ясады.
Эш барышында түбәндәге мәсьәләләр каралды:
- сәхнә сәнгатендә актерлык осталыгы һәм хореографиянең үзара бәйләнеше формалары;
- авыл балалар иҗат үзәге шартларында балалар бию коллективы эшчәнлегенең үзенчәлекләре;
- бию сәнгате буенча белем бирү программаларын гамәлгә ашырганда халык-сәхнә хореографиясе лексикасын үзләштерү.
Түгәрәк өстәл кысаларында тәҗрибә уртаклашу һәм хореография сәнгате өлкәсендә уңышлы педагогик практикаларны тәкъдим итү булды.
Чарада республика шәһәрләре һәм районнары педагоглары катнашты.
Очрашу катнашучылар һәм тыңлаучылар тарафыннан җанлы кабул ителде, алар профессиональ аралашуның әлеге форматының үз вакытында һәм кирәклеге турында сөйләделәр.
