2026 елның 8 октябрендә Казанда «Бала-Сити» академиясе мәйданчыгында «Экологик белем бирүдән алып экологик культурага кадәр» Ачык экологик форумы үткәрелде. Чара үсеп килүче буынның экологик аңын формалаштыруның актуаль мәсьәләләре буенча фикер алышу өчен әйдәп баручы экспертларны, педагогларны, галимнәрне һәм иҗтимагый оешмалар вәкилләрен берләштерде.
Форумны Татарстан Республикасы Мәгарифне үстерү институты, Казан федераль университеты, Республика мәктәптән тыш эшләр үзәге оештырды. Чараны үткәрүдә «Возрождение Природы» («Табигатьне торгызу») Хәйрия фонды, Рус география җәмгыяте, «Единая Россия»нең («Бердәм Россия») Иҗтимагый ярдәм штабы һәм башка партнерлар ярдәм күрсәтте.
Форумның пленар өлеше мәртәбәле кунакларның сәламләү чыгышлары белән ачылды. Катнашучыларга видеомөрәҗәгать белән РФА әгъза- корреспонденты, биология фәннәре докторы, экология буенча Россиякүләм олимпиадасы рәисе Владимир Михайлович Захаров мөрәҗәгать итте. «Бала-Сити академиясе» АКБО директоры Ирина Ивановна Насонова һәм «Республика мәктәптән тыш эшләр үзәге» дәүләт бюджет өстәмә белем бирү учреждениесе директоры Олеся Александровна Нестерова җыелучыларга җылы сүзләр әйттеләр.
Катнашучыларга сәламләү сүзе белән шулай ук РГДМУның континенталь су объектларын тикшерү институты директоры Шамил Рәүф улы Поздняков һәм «ТР Сәүдә-сәнәгать палатасы» берлегенең эшлекле белем һәм туризм департаменты җитәкчесе Ирина Анатольевна Милютина да мөрәҗәгать иттеләр.
Эшлекле программа кысаларында экологик белем бирү һәм фән өлкәсендәге әйдәп баручы белгечләр докладлар белән чыгыш ясады.
Татарстан Республикасы Мәгарифне үстерү институты проректоры Яковенко Татьяна Владимировна Татарстан Республикасы педагогларының һөнәри үсешен фәнни-методик тәэмин итү турында доклад белән чыгыш ясады. Казан федераль университетының биология белеме кафедрасы мөдире Мәүлүдова Ләйлә Усман кызы КФУда укытучы-биологлар әзерләү тәҗрибәсе турында сөйләде. «Табигатьне торгызу» Хәйрия фонды директоры Людмила Васильевна Батенева «Экологик компас — мәктәп укучыларының экологик культурасын формалаштыру өчен дәресләр системасы» бушлай курсы мисалында гомуми белем бирү программасына экологик белем бирүне кертү тәҗрибәсе белән уртаклашты.
Минакова Елена Анатольевна, КФУның биологик белем бирү кафедрасы профессоры, география фәннәре докторы, «Экологик сәясәт һәм мәдәният үзәге» Гомумроссия иҗтимагый оешмасының Татарстан Республикасында төбәк бүлеге рәисе, «Тотрыклы үсеш нигезе буларак экологик белем бирү» инновацион мәгариф проектын тәкъдим итте. Исаева Анастасия Георгиевна, «Бердәм Россия»нең Татарстан Республикасындагы иҗтимагый ярдәм штабы җитәкчесе урынбасары, «Знание» Россия җәмгыяте лекторы, амбассадоры, «Җәмгыять көче: иҗтимагый ярдәм экологик культураны ничек формалаштыра» дигән темага чыгыш ясады. Татарстан Республикасы Биологик ресурслар буенча дәүләт комитетының биологик төрлелек бүлеге өлкән белгече Вәлиева Наталья Сергеевна «Биологик белем бирү инструменты буларак Кызыл китап» темасын яктыртты. Фәрхуллин Рөстәм Шәрип улы, Рус география җәмгыяте вәкиле, Казан федераль университетының өлкән укытучысы, Татарстан Республикасында яшь натуралистлар хәрәкәте үсеше турында сөйләде.
Пленар өлеш тәмамланганнан соң, форум кунаклары өчен «Бала-Сити» академиясе буенча экскурсия оештырылды. Секцияләр эше көннең кульминациясе булды, анда бөтен республика педагоглары һәм методистлары үз эшләнмәләрен тәкъдим иттеләр. Секция өлеше кысаларында табигый материалдан коллажлар ясау буенча мастер-класслар үткәрелде, шулай ук сәләтле балалар белән эшләү, мәктәп урманчылыкларын үстерү һәм яшәү урыны буенча реаль экологик проектларны гамәлгә ашыру мәсьәләләре турында фикер алыштылар.
Форумда катнашучылар чараның югары дәрәҗәдә оештырылуын һәм гамәли кыйммәтен билгеләп үттеләр. Форум тәҗрибә уртаклашу һәм киләчәк буыннарда экологик культура һәм табигатькә җаваплы мөнәсәбәт тәрбияләү максаты белән берләштерелгән педагог-экологлар бергәлеген ныгыту өчен мөһим мәйданчык булды.
