Хөрмәтле коллегалар!
«Татарстан Республикасы Мәгарифне үстерү институты» өстәмә һөнәри белем бирү дәүләт мәгариф учреждениесе «Без бергә» методик материаллар республика конкурсында катнашырга чакыра.
Конкурс 2026 елда Россия халыклары бердәмлеге елына багышланган чаралар кысаларында үткәрелә.
Конкурсның максаты – балаларда гражданлык тәңгәллеге һәм бердәм күпмилләтле Ватанга карау хисләрен формалаштыруның актуаль мәсьәләләренә аерым игътибар җәлеп итү.
Конкурста кемнәр катнаша ала:
- башлангыч сыйныф укытучылары; озайтылган көн төркемнәре педагоглары;
- кече мәктәп укучылары белән эшләүче өстәмә белем бирү педагоглары;
- башлангыч белем бирүне күзәтүче мәгариф бүлекләре методистлары;
- мәктәпкәчә белем бирү оешмалары тәрбиячеләре,
- сыйныф җитәкчеләре;
- дәвамчанлык кысаларында 5 нче сыйныф укытучылары-предметниклары;
- башлангыч гомуми белем дәрәҗәсендә тәрбия, мәгариф һәм агарту мәсьәләләре белән шөгыльләнүче башка оешмаларның белгечләре.
Конкурста катнашу өчен 2026 елның 31 гыйнварына кадәр https://forms.yandex.ru/u/693baec590fa7b166b5518f9 сылтамасы буенча гариза тутырырга һәм Номинация, Фамилия исем, атасының исеме тамгасы белән конкурс эшен (яисә аңа сылтаманы), түләү турында квитанция скан-копияне sagiltal2022@mail.ru конкурс адресына җибәрергә кирәк. Җибәрелә торган конкурс материаллары Нигезләмә таләпләренә туры килергә тиеш.
Чараны оештыручы: Татарстан Республикасы Мәгарифне үстерү институты өстәмә һөнәри белем бирү дәүләт мәгариф учреждениесенең мәктәпкәчә һәм башлангыч гомуми белем бирү кафедрасы.
Конкурсны үткәрү мәсьәләләре буенча координатор: Сәгъдиева Илсөя Тәлгать кызы, мәктәпкәчә һәм башлангыч гомуми белем кафедрасының өлкән укытучысы
«Татарстан Республикасы Мәгарифне үстерү институты» өстәмә һөнәри белем бирү дәүләт мәгариф учреждениесе;
тел. 89274059202; sagiltal2022@mail.ru
