|
Өстәмә һөнәри белем бирү дәүләт автоном белем бирү учреждениесе |
«Хәзерге заман мәгарифе: актуаль мәсьәләләр һәм инновацияләр» электрон фәнни-методик журналының 2022 ел өчен 2 нче саны басылып чыкты. Мәкаләләр белән түбәндәге сайтта танышырга була: http://irortsmi.ru/
Россия Федерациясе Мәгариф министрлыгы куркыныч һәм конфликтлы ситуацияләрдә үз-үзләрен тоту буенча киңәшләре булган яшүсмерләр өчен белешмәлек, шулай ук аларның ата-аналары өчен хәвефле һәм бәйле тәртипне күрсәтүче балалар белән хезмәттәшлек буенча тәкъдимнәр китерелгән белешмәлек әзерләде.
2021 елда уку, математик һәм табигый-фәнни грамоталылык буенча 15 яшьлек мәктәп укучыларының нәтиҗәләре, алдагы ел күрсәткечләре белән чагыштырганда, яхшырды. Бу хакта белем бирү сыйфатын бәяләү Федераль институты сайтында бастырылган PISA-2021 моделе буенча гомумроссия бәяләү нәтиҗәләре турындагы хисап мәгълүматлары сөйли.
«Веретёнце: Татарстан авыллары турында кино» проекты Татарстан Республикасы авылларының күптөрлелеген чагылдыра. Кино төшерү кинематографны һәм телевидениене үстерү буенча коммерцияле булмаган «Кино наизнанку» оешмасы тарафыннан «Татнефть» хәйрия фонды ярдәме белән гамәлгә ашырыла.
2022 елның 6 июлендә Татарстан Республикасы Мәгарифне үстерү институтында "Башлангыч белем бирү педагогикасы һәм методикасы" һөнәри яңадан әзерләү программасы буенча укулар тәмамланды. 10 тыңлаучы программаның уку планын һәм йомгаклау аттестация сынауларын уңышлы үтәделәр.
Татарстанда 1 сентябрьдән һәр муниципаль районда педагогик профиль сыйныфлары ачылачак. Бу хакта ТР Мәгариф һәм фән министрының беренче урынбасары Андрей Поминов ТР Дәүләт Советының Мәгариф, мәдәният, фән һәм милли мәсьәләләр комитеты утырышында хәбәр итте.
5 июльдә Россия мәгариф академиясендә «Остазлык – укыту һәм тәрбиянең традицион формасы» темасына түгәрәк өстәл узды. Катнашучылар остазлык системасы үсешнең теоретик һәм гамәли аспектлары турында фикер алыштылар.
«2021/22 уку елына олимпиадалар һәм башка интеллектуаль һәм (яки) иҗади конкурслар, физик культура һәм спорт белән шөгыльләнүгә сәләтле, фәнни (фәнни-тикшеренү), инженерлык-техник, уйлап табу, иҗат, физкультура-спорт эшчәнлегенә карата кызыксыну уятуга, шулай ук фәнни белемнәрне, иҗади һәм спорт казанышларын пропагандалауга юнәлтелгән чаралар исемлеген раслау турында» Россия Мәгариф министрлыгының 2022 елның 31 маеннан 382 нче номерлы боерыгы басылды.
1 июльдә Татарстан Республикасы Яшел Үзән муниципаль районының 1 нче лицее базасында август педагогик советының секция утырышы узды. Секция эшендә Татарстан Республикасы психологик-педагогик хезмәтләре һәм үзәкләре җитәкчеләре катнашты.
Россия иҗтимагый Палатасында «Бердәм белем бирү пространствосы: дәреслекләр һәм программалар» темасына иҗтимагый фикер алышу узды. Экспертлар «Мәгариф турында»гы законга төзәтмәләр хакында фикер алышты, аны Россия Федерациясе Дәүләт Думасының мәгариф буенча Комитеты гамәлгә кертергә тәкъдим итте.
