|
Өстәмә һөнәри белем бирү дәүләт автоном белем бирү учреждениесе |
2022 елның 27 февралендә Республика олимпиада үзәгенең «Дуслык» комплексы базасында рус телле мәктәпләрнең рус телле укучылары өчен татар теле буенча республика олимпиадасының йомгаклау этабы узды. Олимпиадада Казан, Яр Чаллы шәһәре һәм республиканың 34 муниципаль районы укучылары катнашты.
28 февральдә Татарстан Республикасы Мәгарифне үстеръ институты Гыйльми советы утырышы булды. «2021 елда бюджеттан тыш эшчәнлек йомгаклары һәм 2022 елда үсеш перспективалары турында» доклад белән беренче проректор Р. Г. Хәмитов чыгыш ясады.
2022 елның 25 февралендә Татарстан Республикасы Мәгарифне үстерү институты «Татарстан Республикасы Лениногорск муниципаль районы» муниципаль берәмлеге «Мәгариф идарәсе» муниципаль учреждениесе белән берлектә онлайн режимда «Бөек Җиңү битләрен актарып...» Г.И. Никишин исемендәге республика фәнни-гамәли конференциясен үткәрде.
2022 елның 26 февралендә Татарстан Республикасы Мәгарифне үстерү институты тарафыннан «Башлангыч сыйныфларда укытуга Нейропедагогик якын килү» темасы буенча гомуми белем бирү оешмаларының башлангыч сыйныфлары укытучылары өчен семинар үткәрелде. Чара Россия мәгариф академиясенең «Укытучы 2.0» инновацион мәйданчыгы юнәлешен гамәлгә ашыру кысаларында Alpha School («Академия навыков») хосусый халыкара мәктәбе базасында оештырылды.
2022 елның 24 февралендә дәүләт биремен гамәлгә ашыру кысаларында Татарстан Республикасы Мәгарифне үстерү институты һөнәри компетенцияләрне үстерү бүлеге хезмәткәрләре Татарстан Республикасы Лаеш муниципаль районының мәгариф идарәсе базасында районның гомуми белем бирү оешмалары директорлары өчен «Белем бирү оешмаларының җитәкче һәм педагогик хезмәткәрләренең үсеш траекторияләрен формалаштыру» дигән түгәрәк өстәл уздырдылар.
«Мәгариф векторы: чакырулар, трендлар, перспективалар» чираттагы семинары 1 мартта 10:00 сәгатьтә (МСК) Россия Мәгариф министрлыгы Академиясенең дистанцион мәйданчыгында узачак. Семинар мәктәп укучыларның функциональ грамоталылыгын үстерү мәсьәләләренә багышланачак.
Кушылу өчен сылтама: https://youtu.be/7Rt0aAzj4-0.
2022 елның 26 февралендә Казан шәһәре Совет районының Абдулла Алиш исемендәге 20 нче гимназиясендә Татарстан Республикасы Мәгариф һәм фән министрлыгы һәм Татарстан Республикасы Мәгарифне үстерү институты белән берлектә «Алиш эзләреннән - По следам Алиша» IX Бөтенроссия фәнни-тикшеренү конференциясе узды.
РФ Мәгариф министрлыгының гомуми белем бирү өлкәсендә дәүләт сәясәте һәм идарә департаменты хәбәр иткәнчә, Россия Мәгариф министрлыгының яңартылган федераль дәүләт башлангыч гомуми һәм төп гомуми белем бирү стандартларын гамәлгә ашырганда Россия Федерациясе региональ белем бирү системаларына методик ярдәм күрсәтү максатларында, Россия Мәгариф министрлыгының ведомство буйсынуындагы оешмалар белән берлектә 2022 елда уку предметларының эчтәлеген һәм укыту методикасын яңартуга бәйле темалар буенча берничә Бөтенроссия агарту чараларын үткәрү планлаштырыла.
Татарстан Республикасы Мәгариф һәм фән министрлыгының 22.12.2021, № 1732/21 нче номерлы боерыгы белән расланган дәүләт биремнәрен гамәлгә ашыру буенча чаралар планы кысаларында Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы 2022 елның 22 февралендә «Дини культуралар һәм дөньяви этика нигезләрен һәм Россия халыкларының рухи-әхлакый мәдәнияте нигезләре предметлы өлкәләрен гамәлгә ашыруда эзлеклелек һәм системалылык» бөтенроссия семинары үткәрде. Семинар Дини культуралар һәм дөньяви этика нигезләрен һәм Россия халыкларының рухи-әхлакый мәдәнияте нигезләре программаларын гамәлгә ашыручы педагогик хезмәткәрләр өчен оештырылды.
