|
Өстәмә һөнәри белем бирү дәүләт автоном белем бирү учреждениесе |
2022 елның 28 апрелендә башлангыч мәктәптә татар теле буенча программаларны гамәлгә ашыручы педагогик хезмәткәрләр өчен «Башлангыч мәктәптә татар телен укытуның заманча укыту-методик тәэмин ителеше» фестивале була.
Фестивальнең максаты - башлангыч мәктәптә татар телен укытуның заманча укыту-методик тәэмин ителешенең презентациясе.
Татарстан Республикасы Мәгариф һәм фән министрлыгы кушуы буенча Методик эшне үстерү бүлеге 12-14 апрель көннәрендә һәм 2022 елның 19 апреленнән 21 апреленә кадәр «Гомуми белем бирү оешмаларында педагогик хезмәткәрләрне аттестацияләү буенча эксперт төркемнәрендә эшләүгә белгечләр әзерләү» өстәмә һөнәри программасы буенча Татарстан Республикасы муниципаль районнары һәм шәһәрләре гомуми белем бирү оешмаларының педагогик хезмәткәрләрен аттестацияләү экспертларын 24 академик сәгать күләмендә укыту уздырды.
2022 елның 22 апрелендә Татарстан Республикасы Мәгарифне үстерү институтында «Укучылар үзидарәсе» темасы буенча вебинар үткәрелде.
Вебинарның максаты - Татарстан Республикасы сыйныф җитәкчеләренә укучылар үзидарәсен оештыру мәсьәләләрендә методик ярдәм күрсәтү.
2022 елның 21 апрелендә Татарстан Республикасы Мәгарифне үстерү институты дәүләт биреме, Россия мәгариф академиясе «Үзара челтәрле хезмәттәшлек нигезендә педагогик һәм җитәкче кадрлар остазлыгын оештыруның төбәк системасы» инновацион мәйданчыгы эшчәнлеге кысаларында республика остазлар Советының киңәйтелгән утырышын уздырды.
Татарстан Республикасы Мәгарифне үстерү институты Психология һәм инклюзив белем бирү кафедрасы тарафыннан «Педагог-психологның һөнәри эшчәнлегенең актуаль юнәлешләре (шул исәптән сәламәтлек ягыннан мөмкинлекләре чикләнгән балалар белән эшне оештыру үзенчәлекләре буенча 16 сәгать)» проблемасы буенча өстәмә һөнәри белем бирү программасы тормышка ашырылды.
2022 елның 22 апрелендә «Башлангыч белем бирү системасында полилингваль якын килү» квалификациясен күтәрү өстәмә һөнәри программасы буенча башлангыч сыйныф укытучыларын укыту тәмамланды. Программа дистанцион форматта гамәлгә ашырылган.
Белем бирү программасының актуальлеге дөньяның тел һәм мәдәни төрлелеген саклау өлкәсендә педагогларның һөнәри компетенцияләрен камилләштерү зарурлыгы белән бәйле.
2022 елның 20-21 апрелендә Татарстан Республикасы Мәгарифне үстерү институты Мәктәпкәчә һәм башлангыч белем бирү кафедрасы башлангыч гомуми белем бирүне алып баручы мәгариф бүлекләре (идарәләре) белгечләре һәм методистлары өчен «Башлангыч гомуми белем бирүнең федераль дәүләт белем бирү стандартлары таләпләре нигезендә башлангыч гомуми белем бирүнең предмет өлкәләре эчтәлеген һәм методикасын яңарту» семинарын оештырды һәм уздырды. Семинар эшендә республиканың муниципаль методик хезмәтләренең 52 вәкиле катнашты.
Татарстан Республикасы Мәгарифне үстерү институты Педагогика һәм белем бирү белән идарә итү кафедрасы 2022 елның 20 апрелендә Татарстан Республикасы Кайбыч муниципаль районы гомуми белем бирү оешмалары җитәкчеләре һәм укыту-методика эшләре буенча җитәкче урынбасарлары өчен «ФДББС - 2021 кысаларында белем бирү сыйфатын бәяләү системасының үздиагностикасы нигезендә белем бирү оешмасы белән идарә итү» темасы буенча семинар үткәрде.
Татарстан Республикасы Мәгариф һәм фән министрлыгының 2021 елның 22 декабрендәге 1732/21 номерлы боерыгы белән расланган 2022 елга дәүләт биремен гамәлгә ашыру кысаларында Татарстан Республикасы Мәгарифне үстерү институты Педагогика һәм белем бирү белән идарә итү кафедрасы 2022 елның 19 апрелендә «Белем бирү оешмасы белән идарә итүнең актуаль мәсьәләләре: идарә итү аспекты буларак белем бирү сыйфатының эчке мониторингы» темасы буенча семинар үткәрде.
2022 елның 27 апрелендә Татарстан Республикасы Әлки муниципаль районы белем бирү оешмаларының чит тел укытучылары өчен «Белем бирү сыйфатын бәяләүгә заманча алымнар. Бөтенроссия тикшерү эшләре: әзерләнү, нәтиҗәләрне анализлау, коррекцион эш» семинары узачак.
Үткәрү вакыты: 12:30 - 14:30 (мск).
