|
Өстәмә һөнәри белем бирү дәүләт автоном белем бирү учреждениесе |
Хөрмәтле коллегалар!
Татарстан Республикасы Мәгарифне үстерү институты мәгариф өлкәсендә эшләүче белгечләрне (беренче чиратта педагогларны һәм мәгариф оешмалары җитәкчеләрен) институт аспирантурасында 5.8.1. «Гомуми педагогика, педагогика һәм мәгариф тарихы» фәнни белгечлеге буенча фәнни-педагогик кадрлар әзерләү курсларын узарга чакыра.
Казанда 25-29 июльдә «Абилимпикс» махсус хәрби операциясендә катнашучылар арасында һөнәри осталык буенча чемпионаты үткәреләчәк. Бу хакта «Татар-информ»да үткәрелгән матбугат конференциясендә Татарстан Премьер-министры урынбасары Ләйлә Фазлыева сөйләде.
«Чемпионат 25-29 июль көннәрендә үткәреләчәк. Төп ярышлар «Казан вертолет заводы» җитештерү үзәге базасында оештырылачак», – дип билгеләп үтте ул.
ТР Рәисе Рөстәм Миңнеханов хуплавы һәм ярдәме белән Татарстанда төгәл фәннәрне популярлаштыру өчен 2024 елда «Физика-математика алгарышы» масштаблы мәгариф проекты старт алды, ул ТР Мәгариф һәм фән министрлыгы һәм Иннополис университеты белән берлектә гамәлгә ашырыла.
2025 елның 1 сентябреннән Мәгариф министрлыгының 704 номерлы боерыгында теркәлгән үзгәрешләр үз көченә керәчәк, аны бердәм белем бирү киңлеге турындагы боерык дип атыйлар. Нигә?
Боерык белән «турыдан- туры кулланыла торган» предметлар – рус теле, әдәбияты, тарих, җәмгыять белеме, география, әйләнә-тирә дөнья, хезмәт, иминлек һәм Ватанны саклау нигезләре буенча бердәм дәрес буенча планлаштыру кертелә. Мәгариф министрлыгында исәпләүләренчә, мондый алым педагогларга документлар йөкләнешен һәм мәктәп укучыларына уку йөкләнешен киметә.
2025 елның 2 июлендә «Татарстан Республикасы Мәгарифне үстерү институты» өстәмә һөнәри белем бирү дәүләт мәгариф учреждениесендә ел саен үткәрелә торган «Инклюзив белем: теория һәм практика» VII Республика фәнни-гамәли конференциясе узды. Конференцияне психология һәм инклюзив белем бирү кафедрасы оештыра. Конференциядә Татарстан Республикасы һәм Россиядә инклюзия өлкәсендә эшләүче 720дән артык белгеч катнашты.
«Физика-математика алгарышы» проекты кысаларында Татарстанда физика, математика һәм информатиканы тирәнтен өйрәнүче мәктәпләр өчен грантлар булдырылды. Грантның максималь күләме 1 млн сум тәшкил итәчәк. Республика Министрлар Кабинетының тиешле карарын ТР Премьер-министры Алексей Песошин имзалады.
«Вектор УСпеха» Бөтенроссия укучылар үзидарәсе лидерлары форумында катнашу өчен конкурс сайлап алуы башланды. Аңа 13-17 яшьлек укучылар кушылырга мөмкин. Чараны Россия Федерациясе Мәгариф министрлыгы ярдәме белән Россия балалар-яшүсмерләр үзәге, «Беренчеләр хәрәкәте» Россия балалар һәм яшьләр хәрәкәте, Россия Яшьләр берлеге һәм «Артек» Халыкара балалар үзәге оештыра. Гаризалар 2025 елның 25 июленә кадәр форумвекторуспеха.рф сайтында кабул ителә.
«Россиянең ел методисты» Бөтенроссия конкурсында катнаш!
Үзеңнең методик табышларыңны күрсәт, тәҗрибәң белән уртаклаш һәм бөтенроссия дәрәҗәсендә таныл.
Кемнәр катнаша ала:
Урта һөнәри белем бирү программаларын гамәлгә ашыручы мәгариф оешмалары үзебезнең илнең җитештерү һәм автоматлаштыру чаралары базасында укыту-җитештерү комплекслары төзү өчен грантлар алуга гаризалар бирә ала. Сайлап алуны «СТАНКИН» Мәскәү дәүләт технология университеты үткәрә.
Мәктәпкәчә һәм башлангыч гомуми белем бирү кафедрасы тарафыннан башлангыч сыйныф укытучыларының квалификациясен күтәрү буенча «Башлангыч гомуми белем бирүнең федераль программасын гамәлгә ашыру шартларында башлангыч мәктәптә белем бирүнең цифрлы мөмкинлекләре» өстәмә һөнәри программасы гамәлгә ашырылды (кураторы – өлкән укытучы Сәгъдиева Илсөя Тәлгать кызы).
