|
Өстәмә һөнәри белем бирү дәүләт автоном белем бирү учреждениесе |
«Мәгариф векторы: чакырулар, трендлар, перспективалар» чираттагы семинары 1 мартта 10:00 сәгатьтә (МСК) Россия Мәгариф министрлыгы Академиясенең дистанцион мәйданчыгында узачак. Семинар мәктәп укучыларның функциональ грамоталылыгын үстерү мәсьәләләренә багышланачак.
Кушылу өчен сылтама: https://youtu.be/7Rt0aAzj4-0.
2022 елның 26 февралендә Казан шәһәре Совет районының Абдулла Алиш исемендәге 20 нче гимназиясендә Татарстан Республикасы Мәгариф һәм фән министрлыгы һәм Татарстан Республикасы Мәгарифне үстерү институты белән берлектә «Алиш эзләреннән - По следам Алиша» IX Бөтенроссия фәнни-тикшеренү конференциясе узды.
РФ Мәгариф министрлыгының гомуми белем бирү өлкәсендә дәүләт сәясәте һәм идарә департаменты хәбәр иткәнчә, Россия Мәгариф министрлыгының яңартылган федераль дәүләт башлангыч гомуми һәм төп гомуми белем бирү стандартларын гамәлгә ашырганда Россия Федерациясе региональ белем бирү системаларына методик ярдәм күрсәтү максатларында, Россия Мәгариф министрлыгының ведомство буйсынуындагы оешмалар белән берлектә 2022 елда уку предметларының эчтәлеген һәм укыту методикасын яңартуга бәйле темалар буенча берничә Бөтенроссия агарту чараларын үткәрү планлаштырыла.
Татарстан Республикасы Мәгариф һәм фән министрлыгының 22.12.2021, № 1732/21 нче номерлы боерыгы белән расланган дәүләт биремнәрен гамәлгә ашыру буенча чаралар планы кысаларында Татарстан Республикасы Мәгарифне үстерү институты Мәктәпкәчә һәм башлангыч гомуми белем бирү кафедрасы 2022 елның 22 февралендә «Дини культуралар һәм дөньяви этика нигезләрен һәм Россия халыкларының рухи-әхлакый мәдәнияте нигезләре предметлы өлкәләрен гамәлгә ашыруда эзлеклелек һәм системалылык» бөтенроссия семинары үткәрде. Семинар Дини культуралар һәм дөньяви этика нигезләрен һәм Россия халыкларының рухи-әхлакый мәдәнияте нигезләре программаларын гамәлгә ашыручы педагогик хезмәткәрләр өчен оештырылды.
2022 елның 21 февралендә Россия Мәгариф академиясе «Челтәрле хезмәттәшлек нигезендә педагогик һәм җитәкче кадрлар остазлыгын оештыруның төбәк системасы» инновацион мәйданчыгы эш планы нигезендә Татарстан Республикасы Тукай муниципаль районы мәгариф идарәсе белән берлектә Татарстан Республикасы гомуми белем бирү оешмалары җитәкчеләре һәм педагогик хезмәткәрләре өчен «Укытучының һөнәри үсеше моделе» темасы буенча республика семинары (вебинар) узды.
2022 елның 26 февралендә Россия Мәгариф академиясе инновацион мәйданчыгы «Укытучы 2.0» юнәлеше кысаларында Татарстан Республикасы Мәгарифне үстерү институты «Башлангыч сыйныфларда укытуга Нейропедагогик якын килү» темасы буенча белем бирү оешмаларының башлангыч сыйныф укытучылары өчен төбәкара семинар үткәрә.
2022 елның 28 февралендә Татарстан Республикасы Мәгарифне үстерү институты дәүләт биремен гамәлгә ашыру чаралары планы кысаларында Татарстан Республикасы Яңа Чишмә муниципаль районы укытучылары өчен «Белем бирү сыйфатын бәяләүгә заманча алымнар: Бөтенроссия тикшерү эшләре. Диагностик тестлар: әзерлек, нәтиҗәләрне анализлау, коррекцион эш. Укучыларда функциональ грамоталылык формалаштыру методлары» вебинарын үткәрә.
2022 елның 28 февралендә «Балаларга өстәмә белем бирү һәм халык музыка культурасы» педагогика практикасы фестивале кысаларында Татарстан Республикасы Мәгарифне үстерү институты чираттагы очрашу оештыра, ул белем бирү-тәрбия практикасында халык музыка мәдәнияте формаларын өйрәнү һәм куллану буенча музыка мәктәпләре тәҗрибәсен тәкъдир итү рәвешендә узачак.
2022 елның 28 февралендә Татарстан Республикасы Мәгарифне үстерү институты Россия Мәгариф академиясе «Челтәрле хезмәттәшлек нигезендә педагогик һәм җитәкче кадрлар остазлыгын оештыруның төбәк системасы» инновацион мәйданчыгы эшчәнлеге кысаларында Татарстан Республикасы Түбән Кама муниципаль районы Башкарма комитетының Мәгариф идарәсе белән берлектә «XXI гасыр мәгарифенең үсеш тенденцияләре: киләчәк күнекмәләрен формалаштыру мөмкинлекләре» III республика фәнни-гамәли конференциясен оештыра һәм үткәрә.
