|
Өстәмә һөнәри белем бирү дәүләт автоном белем бирү учреждениесе |
Татарстан Республикасы Мәгарифне үстерү институты Россия мәгариф академиясенең «Укытучы 2.0» юнәлешен гамәлгә ашыру кысаларында «Ресурс» шәһәр психология-педагогика үзәге белән берлектә Татарстан Республикасы Яшьләр эшләре министрлыгы грантын гамәлгә ашыру кысаларында «Укытучы ресурста» дигән тренинглар циклын башлап җибәрде.
2022 елның 22 сентябрендә Татарстан Республикасы Мәгарифне үстерү институты актлар залында «Хәзерге заман педагогы: күнекмәләр һәм төп компетенцияләр» темасы буенча вебинар трансляциясе үткәрелде.
Вебинарда катнашучыларга сәламләү сүзе белән Татарстан Республикасы Мәгарифне үстерү институты Фәнни һәм инновацион эшчәнлеге буенча проректоры Шәмсетдинова Лариса Петровна мөрәҗәгать итте. Лариса Петровна үз мөрәҗәгатендә институтның инновацион проектлары, квалификация күтәрү курслары һәм инновацион программалар турында җентекләп сөйләде.
2022 елның 23 сентябрендә Татарстан Республикасы Мәгарифне үстерү институты базасында Татарстан Республикасының «Технология» предмет өлкәсе буенча программаларны гамәлгә ашыручы һәм «Технология» предмет өлкәсенең яңартылган эчтәлек модульле принцибын гамәлгә кертү/ тәэмин итү/ сынап карау программасы» федераль инновацион мәйданчыгы катнашучылары булган педагогик хезмәткәрләр өчен.«Яңартылган ФДББС буенча «Технология» предмет өлкәсен укытуның актуаль мәсьәләләре: график редакторларда эшләү практикасы» республика семинары узды.
Татарстан Республикасы Мәгарифне үстерү институты Асоциаль тәртипне тәрбияләү һәм профилактикалау лабораториясе фәнни хезмәткәре Башлай Эльвира Хәмзә кызы 175 нче гимназия педагогларына, укучыларына һәм ата-аналарына психологик ярдәм күрсәтүдә актив катнашканы һәм гуманизм, игелек һәм шәфкатьлелек идеяләрен үстерүгә зур өлеш керткәне өчен Россия Кызыл Хачының Рәхмәт хаты белән бүләкләнде.
2022 елның 23 сентябрендә «Технология» предмет өлкәсе буенча программаларны гамәлгә ашыручы Татарстан Республикасы педагогик хезмәткәрләре өчен Татарстан Республикасы Мәгарифне үстерү институты базасында «Технология» фән өлкәсендә яңартылган эчтәлекнең модульле принцибын гамәлгә кертү/ тәэмин итү/ сынап карау программасы» федераль инновацион мәйданчыгының юл картасы чаралары кысаларында «Яңартылган ФДББС буенча «Технология» фән өлкәсен укытуның актуаль мәсьәләләре: робототехника буенча дәресләр оештыру практикасы» республика семинары узды.
2022 елның 21-24 сентябрендә Татарстан Республикасы башкаласы Казан шәһәрендә Kazan Digital Week-2022 халыкара форумы уза. Чара катнаш (офлайн + онлайн) форматта заманча «Казан Экспо» Халыкара күргәзмә үзәгендә уздырыла, анда күргәзмә павильоннары, сессия заллары, ачык демонстрация мәйданчыклары, уңайлы транспорт һәм рекреацион инфраструктура бар.
Бүген, 2022 елның 23 сентябрендә, Ярославльдә «Россия ел тәрбиячесе» Бөтенроссия һөнәри конкурсы финалы старт алды. «Россия ел тәрбиячесе» конкурсы «Мәгариф» милли проектын гамәлгә ашыру кысаларында уза һәм мәктәпкәчә белем бирү программаларын гамәлгә ашыручы белем бирү оешмаларында эшләүче педагогларның һөнәри һәм шәхси үсешенә юнәлдерелгән.
Конкурста катнашкан 83 кеше арасында Казан шәһәренең 397 нче балалар бакчасында укытучы-логопед Рената Хәбибуллина да бар.
2022 елның 19 сентябреннән 22 сентябренә кадәр Татарстан Республикасы Мәгарифне үстерү институты базасында «Заманча белем бирү менеджменты» өстәмә һөнәри белем бирү программасы буенча белем бирү оешмалары җитәкчеләре резервын укыту курсларының беренче сессиясе узды.
Беренче сессия кысаларында белем бирү менеджменты нигезләре, мәгариф өлкәсендә дәүләт сәясәте, мәгариф хокукы, яңартылган ФДББ, креатив фикерләү, тәрбия системаларын һәм өстәмә белем бирүне үстерү буенча лекцион һәм гамәли дәресләр үткәрелде.
2022 елның 20 сентябрендә Казан шәһәренең «Мәгариф хезмәткәрләре йорты»нда «500+»федераль проектына керә торган Татарстан Республикасы гомуми белем бирү учреждениеләренең мәктәпләр идарә итү командаларының стратегик сессиясе узды. 2021 һәм 2022 елларда «Түбән белем бирү нәтиҗәләре булган мәктәпләр» исемлегенә кергән 100гә якын мәктәп җитәкчесе бүген үзләренең белем бирү оешмалары алдында торган актуаль проблемаларны билгеләде һәм алга таба үсеш векторларын формалаштырды.
Томск мәгариф хезмәткәрләренең квалификациясен күтәрү һәм яңадан әзерләү институты стажировка формасында «Укучыларны тәрбияләү: заманча шартлар контекстында яңа чынбарлыклар һәм мөмкинлекләр» темасы буенча 34 сәгатьлек квалификация күтәрү курсларына чакыра.
